Sunday, October 3, 2010

விமானத்தின் கறுப்புப்பெட்டி என்றால் என்ன ?

What is this Black Box? விமானத்தின் கறுப்புப்பெட்டி என்றால் என்ன ? என்ற கேள்வி இந்தியாவில் மங்களூரில் நடந்த விமான விபத்துக்குப் பிறகு பலருக்கிடையே பரபரப்பாக பேசப்பட்டது . ஏனென்றால் 158 பேரின் உயிரைக் காவுகொண்ட அந்த சோகமான விபத்திற்க்கான சரியான காரணத்தை விமானத்தின் கறுப்புப்பெட்டி கிடைக்கப்பெற்றால் மாத்திரமே கூறமுடியும் என இந்திய விமானப்படை அதிகாரிகள் ஊடகங்களுக்கு அறிவித்திருந்ததை நாம் யாவரும் அறிந்ததே.
உயரமாக பறக்கும் விமானங்கள் விபத்துக்குள்ளாகும் போது . இதற்கான காரணத்தை கண்டறிய புலனாய்வாளர்களுக்கு கறுப்புப்பெட்டி என்னும் சாதனம் உதவுகிறது. இது எல்லா விமானங்களிலும் பொருத்தப்பட்டிருக்கும்.

கறுப்புப்பெட்டியின் தன்மைகள்:-
கறுப்புப்பெட்டி என்ற பெயர் கொண்டு இது அழைக்கப்பட்டிருந்தாலும், இதன் நிறம் உண்மையில் கறுப்பு கிடையாது. செம்மஞ்சள் (orange) வண்ணம் கொண்டது.சில பெட்டிகள் மஞ்சள் நிறத்திலும் இருக்கும்

* தீயினில்/உயர் வெப்பநிலை என்பவற்றால் எரிந்து சேதமுறாது.

* உவர் நீரில் ஊறினாலும் பாதிப்படையாது

* கடலுக்குள் மூழ்கினாலும் மூன்று மாதங்களுக்குப் பழுதடையாது.

* ஆகாயத்தில் இருந்து வீழ்ந்தாலும் உடையாது

* வெளிப்புற, உட்புற தாக்கத்தினாலும் சேதமடையாத பெட்டியும், தகவல் சேமிப்பு நாடாவும் உள்ளன.

பெரிய விமானங்கள் என்றால் இரண்டு கறுப்பு பெட்டிகள் இருக்கும். இதில் `காக்பிட் வாய்ஸ் ரிக்கார்டர்' என்னும் சாதனம் விமானியின் அறையில் நடக்கும் உரையாடலை பதிவு செய்கிறது. `டேட்டா ரிக்கார்டர்' என்னும் மற்றொரு சாதனம் விமானத்தில் உள்ள பல்வேறு கருவிகளின் இயக்கங்களை பதிவு செய்யும். இதன் அடிப்படையில்தான் விமான விபத்துக்கான காரணத்தை கறுப்புப்பெட்டியின் மூலம் அறிய முடிகிறது

விபத்திற்க்குள்ளான விமானத்திலிருந்து கண்டெடுக்கப்பட்ட போது .


திறந்தால் இப்படி இருக்கும்


இப்படித்தான் கறுப்புப்பெட்டி தொழிற்படும் முறை

No comments:

Post a Comment

உங்கள் மேலான கருத்துகளை இங்குப் பதியுங்கள். பதிவின் கருவுக்குத் தொடர்பில்லாதவை,தனிநபர் தாக்குதல்,அநாகரிகப் பின்னூட்டங்கள் அனுமதிக்கப்படா. எழுத்திலும் அல்லாஹ்வுக்கு அஞ்சிக் கொள்வோம்!